5 գաղափար արագ և հետաքրքիր նախաճաշի համար

Առավոտյան լավ սնվելուց է կախված ձեր ողջ օրվա տրամադրությունը։ Նախաճաշը կարող է շա՜տ հետաքրքիր լինել, բարձրացնել ձեր տրամադրությունը և դրան զուգահեռ՝ պատրաստվել շատ արագ։

Մենք ձեզ համար պատրաստել ենք հենց այդպիսի արագ ու հեշտ, բայց շատ հետաքրքիր նախաճաշի գաղափարներ։ 

Բաղադրությունները՝ տեսանյութի ներքևում։ 

1․ Շոկոլադե կիսալուսնիկներ։

Ձեզ անհրաժեշտ է սպիտակ հաց և շոկոլադ։

Տեղադրեք երկու սալիկ շոկոլադ 1 կտոր հացի վրա և կտրեք բաժակով։ Նախապես մի փոքր տաքացրած հացը ավելի լավ կկպչի։ Շոկոլադե համեղ կիսալուսինները կարող եք պատրաստել ինչպես թավայի մեջ, այնպես էլ տոստերով։ 

2․ Պանրով ձվածեղ։

Ձեզ անհրաժեշտ է հաց, 1 ձու և հալվող պանիր։

Մի փոքր տափակեցրեք հացի միջուկը գդալով, վրան ձու կոտրեք։ Ձվի սպիտակելուց հետո եզրերին ավելացրեք պանիրը և սպասեք մինչև այն հալվի։ Կարող եք համեմել պղպեղով։

3․ Բեկոնով ձվածեղ։

Կտրատեք մեկ բուլղարական պղպեղ, մի քանի շղարթ բեկոն և հարեք ձվի հետ։ Թավայի մեջ դրեք հացի կաղապարը և լցրեք ձուն ներսում։ Համեմեք ձեր սիրելի կանաչիներով։

4․ Պանրով և խոզապուխտով սենդվիչ։

Հացի միջուկի մեջ մեկ կտոր հալվող պանիր և խոզապուխտ դրեք։ Եզրերը ամրացնելուց հետո թաթախեք ձվի մեջ և տապակեք ձեթով կամ կարագով։ Սննդարար է և շատ համեղ։ 

5․ Աստղիկ ձվածեղ։

Սովորական նրբերշիկով ձվածեղին ավելի հետաքրքիր և ուրախ տեսք հաղորդելու համար նրբերշիկները կտրատեք աստղի թևերի ձևով և ամրացրեք փայտիկներով։ Թավայի մեջ դասավորեք ձեր աստղիկը, ներսում ձու կոտրեք։ Զգուշությամբ ափսեի մեջ տեղափոխելուց հետո հանեք փայտիկները, և վայելեք ձեր աստղիկը։ Բարի լույս։

Կիսվել

Խնայե՛ք օրական մինչև 2 ժամ սնունդ պատրաստելու վրա։
Յուրաքանչյուր առաքման արժեքը 500 դրամ է։
Մեր ուտեստներն ունեն ԵՏՄ որակի սերտիֆիկատներ։
Ստացե՛ք համեղ սնունդ՝ պատրաստված միայն բարձրորակ հումքից։

Այլ հոդվածներ

Տեսնել ավելին
Foody.am
Մեր Մասին

Foody-ն իր վրա է վերցնում սնունդ պատրաստելու երկար գործընթացը՝ տրամադրելով հաճախորդներին ազատ ժամանակ իրենց սիրելի գործերով զբաղվելու համար:

Կարագի օգտակար և վնասակար հատկությունները

Կարծում եք կարագը գիրացնող մթերք է իր յուղայինության պատճառո՞վ։ Այս հոդվածը կփոխի ձեր կարծիքը։